منتديات نبض القلوب

عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي


يـرحـب بـكـم
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ألا ياليت الزمن يرجع

اذهب الى الأسفل 
كاتب الموضوعرسالة
أمـيـرة زمـانـي
مشرفة منتدى الترحيب
avatar

انثى
المشاركات : 83
تاريخ التسجيل : 24/04/2009
العمر : 25
الإقامه : في قلب من يحبني

مُساهمةموضوع: ألا ياليت الزمن يرجع   الأحد 02 أغسطس 2009, 9:42 pm

االسلام عليكم
حبيت احط لكم قصه من كتاباتي وارجوا التفاعل معي
قصه بدويه مره وانشاء الله تعجبكم
اذا شفت ردود وتفاعل راح اكملها لعيونكم
بسم الله نبدي


أول شي ودي أعرفكم بنفسي قبل لا أبدي بقصتي
اسمي نوف عمري 16 سنه أدرس بالثانويه سنه 3 أنا الحمدلله بنت مجتهدة بالدراسه بس مو ذاك الزود يعني أعلى نسبة حصلتها 84 أحمد ربي بعد بس انشالله
اجيبها بسنه رابعه المهم ماأمدحكم نفسي أنا بنوته حلوه بيضه عيوني لونها بني جسمي حلو وممشوقه القوام وطولي لابأس به وشعري طويل وناعم مو جني زودتها
االمهم أعرفكم اللحين بعائلتي انا مو أكبر وحده عندي أخو أكبر مني بسنتين اسمه عمر عمره 19 ويدرس بكليه
الدراسات التجاريه سنه 2 هو كريم و مجتهد بدراسته ومتفوق مشالله (عزالله ماطلعت عليه) بس متقلب يعني مره تلقينه يضحك و مره معصب ومره مطيع لأبعد الحدود
المهم هو مؤدب وماعنده سوالف المراهقين هالأيام اللي سوالفهم تارسه الجرايد اللحين ابي اوصفه لكم علشان تتعرفون عليه أكثر هو طويل وضعيف جسمه حلو معضل شوي
و عنده دقه بحنجه الصراحه هذي الدقه الكل ميت عليها حتى بنات عماتي متحطمين فيها واذا جو بيقولون اسمه مايقولون الا
.(ابو الدقه المزيون هو ابيض بس مو الأبيض الماصخ وفيه ملح (أكيد طالع على اخته مبتلي بالزين
و عندي اخت اسمها نوره عمرها 11 سنه حبوبه وطيبة واللي بقلبها على لسانها وماعندها حركات الجاهال اللي طايحين فيها محارب
.و مصاحب وأسرار وخرابيط هي وياي حيل واذا طرشتها بسرعه تفز وتطيع الصراحه خوش اخت والله يخليها لي
و عندي بعد اخت واخو عمرهم 9 سنوات هم توأم بالشكل بس بالتصرفات لا عندكم البنت اسمها شهد هي حبوبه وهاديه ومالها شغل بأحد تحب تلعب وبس بس
جيبو لها ألعاب وما تسمعين لها أثر أما الولد وما أدراك ما الولد اسمه فهد هو الصراحه باط جبدي فاقع مرارتي يتحرش بكل صغيره وكبيره وما يخليني بحالي
وكل شئ لأمي عاد أمي محامي الدفاع وحتى بالسوق اذا تحرشوا فيني شباب سيده لأمي يمه شوفيها ماتستحي جنه
حاطينه مراقب لي أو انه ابتلاء من الله بس شسوي هذا قدري بس والله كله اطقه وماكو فايده كل مااطقه يزيد حشى اللي يقول جنه البانزين
اذا حطيتيه بالنار يالله مااقول الا الله يعين بس على الرغم من كل هذا بس استانس عليه احس اذا ماشفته بالبيت لمده يوم
اتضايق وازعل لانه هو معطي البيت جو يحلاته وياكبر غلاته
المهم ماابي اطول عليكم اليوم يوم الجمعه والمدارس يوم الأحد وااااااع احنا اللحين بعطله الربيع ويامحلاها من عطله صارت فيها مواقف كثيرره
اللحين عاد أقولكم الأهم والمواقف اللي صارت لي بمخيمنا
قبل لا ابدي ابي اعرفكم على بنات اعمامي واالي هم رفيجاتي أول شي هديل هي اصغر مني بسنه بس حيل قريبه مني وعندها أخو اسمه( راشد هو أول حب لي وآخر حب وعمره 19 كبر أخوي عمر وهو مزيون ماشاءالله
وابي اوصفه لكم هو طويل وأسمر شوي وفيه غمازه بس خفيفه شوي وجسمه روعه وطبعه أروع) وبعد عندي رفيجات اسمهم حصه كبري وشوق اصغر
مني بسنه ومريم كبري والبندري همن كبري و انتصار اكبر مني بسنه والعنود أصغر مني بسنتين احنا كلنا 7بنات وانا الثامنه عاد تخيلوا أشكالنها
وحنا نتمشى ماشالله شكثرنا ترى مو الكل مخيم فيه بعد عايشه وفاطمه حنان يعني 11 بنت الله يزيد ويبارك
المهم ابي اوصف لكم اليوم اللي كنا نبي نخيم فيه اول شي اكيد نبي نرتب الأغراض وعفسه وحالتنا حاله و يا ميري تعالي وياميري روحي زين ماانتحرت ماشالله عليها والله صبوره المهم عقب
ما خلصنا ابوي جاب السوبر للباب الأمامي علشان بسرعه نحمل الأغراض الصراحه طولنا واحنا نرتب الأغراض اللي يقول جنه مهاجرين
المهم ماجت الساعه 4 والا احنا محركين ولا تشوفوني الابتسامه شاقه وجهي نصين اللي يقول بسافر اوروبا كله مخيم ويخب علينا
بس والله كان وناسه المهم انا برتب لكم الأحداث اللي صارت بكل يوم علشان ماتتشتتون
_____________________________________________________________________________________ ........
اليوم الأول:
وصلنا طال عمركم تقريبا الساعه 5 وربع عاد اول ماوصلنا والا هديل جايتني تركض جان تلمني وتقولي قديييييمه جان اكسر فيها واقول انفضيني جان تقولي ياحماره وربي حيل مشتاقه
لج وقلتلها وانا بعد الصراحه احنا وعمي ناصر اول ناس وصلنا ولاتشوفون المخيم حده متغير الإضاءات والكشافات وحالتهم حاله الصراحه ألوان الإضاءات عجيبه
باختصار كل ألوان قوس قوزح وبيت الشعر العجيب وجت الساعه 6 ومحد جا لانه كان يوم الاربعاء و احنا معطلين اليوم اللي قبله حده متسرعين بس شنسوي العطله
قصيره وكنت سهرانه لاني اول ماجيت من المدرسه نمت وقمت الساعه 12 بليل وسهرت فكنت مستانسه مع اني اذا سهرت امد البوز بس هل المره غير لانه تونا معطلين
وماصدقت ومرت الساعه 6وربع و6ونص ومحد جا وما وصلوا الا من الساعه سبع وورا فجوا البنات ودخلو سلموا على الحريم فكنت انا وهديل تونا طالعين من خيمتنا لانه مأذن فصلينا وطلعنا
فقالت هديل شرايج نوف انتي تجيبين أكل وانا أجيب ونقعد في بدي سيارة راشد أخوي قلت اوكي ورحت وجبت وأول ماوصلت والا هديل جايبه معاها وسادتين ولحاف قلت ليش جان تقول والله
برد شسوي وضحكت عليها وكانت الساعه 7وربع ومامرت ربع ساعه والا ام هديل تناديها لانه تبيها تسخن لها الماي لصلاة العشاء فقالت هديل لي شوي نوف اروح اسخن الماي وارد قلت اوكي
بس لاتتأخرين فشسويت حطيت الوساده وراي وانسدحت لانه حدي ومدي دايخه وقعدت وأطالع النجوم (حدي متأمله) ومادريت عن نفسي والا انا نايمه وسيارة راشد مايبين اللي في البدي لانها ضخمه
فشصار وانا نايمه الأخ راشد جا وركب سيارته وانا بسابع حلم لانه يبي يروح مخيم ربعه وياخذهم ويجربعون صج بدوي وانا نايمه راح راشد للبقاله واول ماوصل فتحت عيني واشوف والا انا بالبدي
والهوا قوي وكنت منسدحه ماقمت لاني خايفه يشوفني ويقول شجايبج وقعدت خايفه الصراحه اول مره اخاف جذي ومتمسكه بالوساده وعيوني مدمعه والاشوي ويحرك وانا اقول لنفسي ياويلي هذا
وين رايح والا وصل عند المخيم وطلعوا ربعه وانا اسمع اصواتهم راشد مايكفي المكان وين نقعد والا قال راشد روحو البدي شوسعه وانا ميته رعب والا اقول مافي والا انقز وانحاش واول مانطيت
والا ربع راشد يقولون في بنت انقزت من سيارتك وراشد استغرب والا يقول حق ربعه خلاص مره ثانيه نجربع شسويت انا مالي شغل بأحد ماسكه لفتي واركض جنه أحد لاحقني وقاعده ابجي لانه ظلمه
حده وشوي والا ليت جاي من صوبي منو طلع راشد يلحقني وفاتح الدريشه وكان على يساري ويقول يابنت منو انتي قوليلي بسرعه وانا امشي شوي شوي لانه صوت جلابه وظلمه وبعدين وقفت وقلت انا نوف(حدي صريحه) فقال
اركبي بسرعه حيل برد فقلت لا لانه خفت اذا شافوني أهلي معاه ياخذون فكره فقلت اركب بالبدي قال والله تموتين من البرد فتح الباب وقال اقولج اركبي وانا معنده لا فقال نوف وراج جلب اركبي وانا ماصدقت
بسرعه ركبت وصكيت الباب ومتلزقه بالباب وجرى الحوار بينا كاللآتي :
راشد : انتي شلون ركبتي
أنا : ساكته (يعني استحي حده مولايق) ومعصبه
راشد : شفيج قولي شئ
أنا: كنت نايمه وانت حركت
راشد : ليش ماحطيتو خيمتكم
أنا: (يعني دمه خفيف هو اللي بانيها اصلن خني اسكت احسن) شكو مو عن
راشد : عجل شصار بالضبط
أنا : قلتله كل شئ صار
راشد : مات من الضحك
انا: والله موقاصده ( شاكه بنفسي) صدقني
راشد : شكو انا قلت قاصده
أنا : بسرعه روح للمخيم بسرعه>>>>>>>>>>تقولها بعصبيه
راشد : شفيج هدي ماراح اسوي فيج شي
وأول ماوصلنا وانا افتح الباب وأركض ركض والا اروح عند هديل واضمها وابجي
هديل : وين رحتي نوف كنت ادورج
أنا: الله يسامحج هديل(حدي متأثره)ليش ماقومتيني وقعدت اقولها كل السالفه
هديل: والله اول ماجيت والا مالقيت السياره قلت اكيد بالمخيم ما توقعت انج كنتي نايمه وكنتي بالبدي وقعدت تضحك
أنا : ضحكت
صارهذا كله بنص ساعه وشوي ورحت عند البنات وقلتلهم السالفه وماتوا علي من الضحك وقلتلهم تكفون لاتقولون حق أحد من شنو خايفه مدري وقعدنا نسولف ونحش وووووو الصراحه سوالفنا
ماتخلص وصارت الساعه 9ونص و حطو العشا وتعشيت وكنت دايخه فقلت حق البنات بروح أنام كلهم ازعلو لانهم يبون يسهرون لاني ماقدرت ابطل عيوني فنمت تقريبا الساعه 10 وشوي

_________________
[/url][url]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
قلبي مملكه وأمي تملكه
مراقبه عامه
avatar

المشاركات : 29
تاريخ التسجيل : 24/04/2009

مُساهمةموضوع: رد: ألا ياليت الزمن يرجع   الثلاثاء 04 أغسطس 2009, 4:02 am

انــا حـدي متفاعــلـــــة ياليــت تكملييييين
ويسلمووووووووو يا الغلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
بنـــــ ابوها ـــت
نائبة المديرة
avatar

انثى
المشاركات : 48
تاريخ التسجيل : 23/04/2009
الإقامه : فــــــــ قلب ــــــــي مــــــــ يحبني ــــــــن

مُساهمةموضوع: رد: ألا ياليت الزمن يرجع   الثلاثاء 04 أغسطس 2009, 7:17 am

يسلمووووووووووو خيتوووووو كمللللليه انا حددددددي متحمممممسه

ننتظرررررررررررررررج

_________________
}بيني وبينك حبيبي لا تواصلني== اخاف من هرجة العذال يالغالي
انا ادري ان الفراق الشين يجبرني== على فراقك وبعدكيابعد حالي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
هارد لك يا قلب !
مشرفة المنتدى العام
avatar

انثى
المشاركات : 275
تاريخ التسجيل : 14/05/2009
الإقامه : في ديره ما مثلها ديره

مُساهمةموضوع: رد: ألا ياليت الزمن يرجع   الإثنين 24 أغسطس 2009, 1:22 pm

يوووووو بليز اميره كملي القصه بسرعه حددددي متـــحـــمسه cheers
ويسلموووو على القصه الحلووووه
بأنتظاااااارج يا الـــغلا flower

_________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
ألا ياليت الزمن يرجع
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات نبض القلوب  :: منتديات الادبيه :: منتدى القصص والروايات-
انتقل الى: